Бишкек, 19.04.24. /Кабар/. Азия өнүктүрүү банкынын (АӨБ) президенти Масацугу Асакава өлкө башчы Садыр Жапаровдун чакыруусу менен үстүбүздөгү жылдын ноябрында Кыргызстанга келет. Бул тууралуу министрлер кабинетинин басма сөз кызматы тараткан маалыматта айтылат.
Сапардын алкагында АӨБ менен Кыргызстандын ортосундагы кызматташтыктын түзүлгөндүгүнүн 30 жылдыгы, ошондой эле АӨБ тарабынан ишке ашырылып жаткан долбоорлор менен таанышуу жана жогорку деңгээлде эки тараптуу жолугушуулар өткөрүлөт.
Белгилей кетсек, министрлер кабинетинин төрагасы – президенттин администрациясынын жетекчиси Акылбек Жапаров менен Азия өнүктүрүү банкынын (АӨБ) президенти Масацугу Асакава жолугушту.
Тараптардын жолугушуусу Дүйнөлүк банк тобунун жана Эл аралык валюта фондунун Жазгы жолугушууларынын алкагында АКШнын Вашингтон шаарында өттү.
Анда Кыргызсстан менен АӨБ ортосундагы эки тараптуу мамилелерди өнүктүрүү маселелери, атап айтканда АӨБ тарабынан каржыланган учурдагы долбоорлорду ишке ашыруунун жүрүшү талкууланды.
Пикир
Оставить комментарий