Бишкек, 04.10.23./Кабар/. Кыргызстандын грек-рим күрөшү боюнча улуттук курама командасынын мүчөсү Жоламан Шаршенбеков Азия оюндарынын жарым финалына чыкты.
Азия оюндарына кыргызстандык спортчу 8/1 финалдан тарта катышып, 60 кг салмак категориясында беттешүүдө.
Шаршенбеков алгач тажикстандык Асламджон Азизов менен кез келип, аны 8:5 эсебинде утуп алды. Андан соң кыргыз балбаны кореялык Чон Ханджеге бир дагы мүмкүнчүлүк бербестен, 9:0 эсебинде жеңди.
Жарым финалда Шаршенбеков өзбекстандык Исломжон Бахрамов менен беттешет.
Эскерте кетсек, ушул күндөрү Кытайдын Ханчжоу шаарында 45 өлкөнүн катышуусунда XIX жайкы Азия оюндары өтүп жатат. Оюндарга Кыргызстандан 160 спортчу спорттун 23 түрү боюнча катышууда. 24-сентябрда башталган спорттук иш-чара 8-октябрга чейин уланмакчы.
Пикир
Оставить комментарий