Бишкек, 31.08.23./Кабар/. Кыргызстандын Эгемендүүлүк күнүнө карата бүгүн, 31-август "Ала-Тоо" аянты автоунаалар үчүн жабылат. Бул тууралуу мэрия билдирди.
Маалыматта айтылгандай, аянтта негизги майрамдык иш-чаралар өтөт. Ага байланыштуу коопсуздукту камсыздоо максатында "Ала-Тоо" аянты саат 17:00дөн 00:00гө чейин Панфилов көчөсүнөн Эркиндик бульварына чейин жабылат.
Бишкек мэриясы келтирилген ыңгайсыздыктар үчүн кечирим сурайт жана каттамды алдын ала пландап алууну суранат.
Пикир
Оставить комментарий