Бишкек, 20.11.23. /Кабар/. Тогуз-Тородогу "Саймалуу-Таш" петроглифтерин ЮНЕСКОнун Бүткүл дүйнөлүк мурастар тизмесине киргизүү максатында "Саймалуу-Таш санаты" аталышындагы төкмө акындардын республикалык айтышы өттү.
Аталган айтыш Маданият, маалымат, спорт жана жаштар иштери министрлигинин колдоосу менен Кыргыз улуттук "Манас" театры, Тогуз-Торо райондук мамлекеттик администрациясы менен биргеликте уюштурулду.
Маданият министрлигинин маалыматына ылайык, анда Абдылда Нуралиев баш байге, Азамат Болгонбаев 1-орун, Тынчтыкбек Эсенбай Уулу 2-орун, Темирбек Матыбаев 3-орунду ээ болду.
Белгиленгендей, 6-ноябрда Бишкекте төкмө акындардын "Саймалуу-Таш санаты" аталышындагы республикалык айтыштын тандоо туруна жалпысынан 34 акын катышып, калыстардын чечими менен 16 акын тандалып алынган.
Айтыштын жалпы байге фонду 1 млн сом түздү.
Пикир
Оставить комментарий