Бишкек, 09.02.24./Кабар/. Баткен облусуна караштуу Лейлек районунун Өзгөрүш айылындагы Козу-Баглан дарыясына "Лейлек" ГЭСи курулууда.
Бүгүн министрлер кабинетинин төрагасынын орун басары — суу ресурстары,айыл чарба жана кайра иштетүү, өнөр жайы министри Бакыт Төрөбаев аталган объектке барды.
Президенттин Баткен облусундагы өкүлчүлүгүнөн билдиришкендей, "Кыргыз-Каганат" жоопкерчилиги чектелген коому тарабынан курулуп жаткан ГЭСтин кубаттуулугу 5,9 МВт.
Долбоорду ишке ашыруу үчүн Кыргыз-Орус Өнүктүрүү фонду тарабынан жеңилдетилген насыя катары 5,6 млн АКШ доллары бөлүнгөн. Бүгүнкү күндө курулуш иштери жүрүп жатат.
Чакан ГЭСтин биринчи агрегаты 2024-жылдын июнь айында ишке берилүүсү күтүлүүдө.
Курулуш иштеринин жүрүшүндө дарыядан ГЭСке чейинки 1км 800 метр аралыкка суу түтүктөрү тартылган.
Пикир
Оставить комментарий