Бишкек, 10.04.23. /Адил Төлөгөнов - Кабар/. Кыргызстандык балбан Акылбек Талантбеков Казакстанда өтүп жаткан күрөш боюнча Азия чемпионатында алтын медаль утту.
Грек-рим күрөшү боюнча 82 кг салмактын финалында Талантбеков казакстандык Диас Кален менен кармашып, аны 3:2 эсебинде жеңип алды.
Кыргыз балбаны буга чейин индиялык спортчуну 7:1, ирандык балбанды 6:0 эсебинде артта калтырган.
Аталган мелдеште Акжол Махмудов (77 кг) жана Жоламан Шаршенбеков (60 кг) алтын, Роман Ким (130 кг) коло медаль багындырды.
Белгилей кетсек, Азия чемпионаты 9-14-апрель күндөрү Астана шаарында өтүүдө.
Пикир
Оставить комментарий