Бишкек, 04.11.21. /Кабар/. Бишкек шаарынын мэри Айбек Жунушалиев райондук администрацияларда жашоо шартын жакшыртууга муктаж каттоодо турган балдар үйүнүн алты бүтүрүүчүсүнө батирлердин ачкычын тапшырды.
Муниципалитеттин басма сөз кызматы билдиргендей, иш-чарага Кыргызстандын Балдардын укуктары боюнча ыйгарым укуктуу өкүлү Жыпариса Рысбекова катышты. Ал өз сөзүндө мэрге мындай демилгелери үчүн ыраазычылык билдирди.
Батирлер төмөнкүлөргө берилди:
• Емельянов Ю.Н. - Краснореченская атындагы атайын жалпы билим берүүчү (көмөкчү) мектеп-интернатынын тарбиялануучусу;
• Байбосунов И.У. - жетим;
•Жекшенов Н.С - Краснореченская атайын жалпы билим берүүчү (көмөкчү) мектеп-интернатынын тарбиялануучусу;
• Нукеш У.К. - жетим;
• Эркинбекова Ж.Э. - жетим;
• Атанов Б.К. - жетим.
Ошондой эле турак жай маселелери боюнча коомдук комиссиялардын курамына балдардын укуктарын коргоо боюнча ыйгарым укуктуу орган катары Бишкек шаарынын мэриясынын райондук социалдык өнүктүрүү башкармалыктарынын өкүлдөрүн киргизүү чечими кабыл алынды.
Пикир
Оставить комментарий