Баткен облусунун 25 жылдыгына карата 25 объект ачылды – тизме

Бишкек, 14.10.24. /Кабар/. Баткен облусунда 25 социалдык жана жаа өндүрүш объектилери ачылды. Бул тууралуу президенттин аймактагы өкүлчүлүгүнөн билдиришти.

Объектилер Кара-Кыргыз автономиялуу облусунун түзүлгөндүгүнүн 100, Баткен облусунун жана Баткен шаарынын түзүлгөндүгүнүн 25 жылдыгына карата пайдаланууга берилди. Алар:

• Баткен Электр тармактар ишканасынын административдик имараты;
• Баткен шаарындагы 7 кызматтык турак үйлөр;
• Баткен шаарынын борбордук стадионундагы спорт зал;
• Баткен шаарынын “Жеңиш” эс алуу багындагы рестпоинт;
• Баткен районунун Боз-Адыр айылындагы спорт зал;
• Баткен районунун Мадыген аймагындагы бийиктиктен кароо аянтчасы;
• Баткен районунун Ак-Сай айыл өкмөтүнүн административдик имараты;
• Баткен районунун Ак-Татыр айылындагы спорт зал;
• Кадамжай районундагы агрохимия лабораториясы;
• Кадамжай шаарындагы логистикалык борбор;
• Кадамжай районунун Исхак-Полотхан айыл аймагындагы “Жаш Талимтай” балдар;
• Кадамжай шаарындагы 8 кызматтык турак үйлөр;
• Кадамжай шаарынын аймагындагы “Улыбка” балдар бакчасы;
• Кадамжай районунун Ормош айылындагы логистикалык борбор;
• Лейлек районунун Бешкент айылындагы “Лайли” орто мектеби;
• Лейлек районунун Кулунду айыл аймагындагы “NOVA” мектеби;
• Раззаков шаарындагы 5 кызматтык турак үйлөр;
• Лейлек районунун “Саркент” жаратылыш паркындагы 3а-фрейм үйлөрү;
• Лейлек районунун Максат айылынын административдик имараты;
• Лейлек районунун Кара-Суу айылындагы маданий борбор жана тигүү цехи;
• Сүлүктү шаардык электр тармактар ишканасынын административдик имараты;
• Сүлүктү шаарындагы аялдардын сырткы кийимин тигүүчү цех;
• Сүлүктү шаарындагы килем токуучу цех;
• Сүлүктү шаарында брекет чыгаруучу ишкана;
• Кызыл-Кыя шаарындагы 6 кызматтык турак үйлөр.