Бишкек, 30.06.21. /Кабар/. Баткенде күкүрт кислотасынын ири өлчөмдөгү партиясын сатуу менен алектенүүчү кылмыштуу топтун ишмердүүлүгүнө бөгөт коюлду.
ИИМдин Баңгизаттарды мыйзамсыз жүгүртүүгө каршы күрөшү кызматынан билдиришкендей, КР Жазык кодексинин 269-беренесенин (Прекурсорлорду мыйзамсыз даярдоо) алкагында жүргүзүлгөн тергөө иш амалдарынын натыйжасында Баткен облусунун Кадамжай районунан күкүрт кислотасын сатуу учурунда 1987-жылы туулган С.А. аттуу жаран кармалды.
Кармалган жарандын мыйзамсыз жүгүртүүсүнөн 1 тонна 833 килограммды түзгөн күкүрт кислотасы алынган.
Шектүү убактылуу кармоочу жайга киргизилип, аталган кылмышка тиешеси бар башка жарандарды аныктоо боюнча ыкчам-тергөө иш-чаралары улантылууда.
Пикир
Оставить комментарий