Бишкек, 12.10.18 /Кабар/. Баткен районунун Ак-Турпак айылында сегиз жашар баланы ит тиштеп алган, ал учурда Баткен облустук ооруканасында жатат.
"Баланын абалы оор деп бааланууда", - деп билдиришти Саламаттык сактоо министрлигинен. Баланын жаракаттарын алгачкы хирургиялык тазалоодон өткөрүшкөн.
Дарыгерлердин айтымына караганда, 12-октябрда болжол менен саат 15:00дөр чамасында Баткен облустук ооруканасынын реанимация бөлүмүнө 8 жашар бала жеткирилген. Алгачкы текшерүүдөн кийин ит баланын баш жагын, моюнун жана бетин тиштегенди аныкталган. Балага алгачкы вакцина беришкен, абалы оор.
Пикир
Оставить комментарий