Бишкек, 15.02.22. /Кабар/. Баткенде "Мен жана менин коопсуздугум" аталышында өрт тактикалык машыгуу өттү. Бул тууралуу Өзгөчө кырдаалдар министрлигинин басма сөз кызматы билдирди.
Маалыматка ылайык, өрт тактикалык машыгуу Баткен районунун Ак-Татыр айылындагы Т.Садыков атындагы орто мектебинде өткөрүлдү.
"Буга чейин ӨКМдин Баткен райондук жана Баткен шаардык ӨККБнүн куткаруучулары тарабынан өзгөчө кырдаалдар жана өрт чыккан учурда жүрүм-турум эрежелери боюнча түшүндүрүү иштери жүргүзүлгөн. Бүгүнкү машыгуу учурунда окуучулар дал ошол билимин толуктап, практика жүзүндө ишке ашырууга мүмкүнчүлүк түзүлдү", - деп айтылат маалыматта.
Белгиленгендей, машыгуунун алгачкы бөлүгүндө окуучулар мугалимдердин жардамы менен коопсуз жайга эвакуацияланды. Ал эми куткаруучулар жардамга муктаж окуучуларды алып чыгып, медицина кызматкерлери тарабынан алгачкы жардам көрсөтүлдү.
Пикир
Оставить комментарий