Бишкек, 4-июль /Кабар/. Баткен районунун Рават айылында 2-июлда кечинде нөшөрлөгөн жамгырдан улам сел жүрүп, 22 үйдү каптап, 3 уй жана 2 эчкини агызып кеткен. Бул тууралуу ӨКМ басма сөз кызматы билдирди.
3-июлда Жарандык коргоо комиссиясы текшерип чыкты. Атайын техника менен калыбына келтирүү, тазалоо иштери аткарылды.
Санитардык-эпидемиологиялык көзөмөл адистери 6 үйдүн короосун дезинфекциялашты. Иштер 4-июлда улантылат.
Ошондой эле, Ош облусунун Чоң-Алай районунда 3-июлда 18:00дө катуу жааган жамгырдан Кызыл-Эшме айылында сел жүрүп, 2 үйдү каптап кеткен.
Пикир
Оставить комментарий