Бишкек, 03.10.23. /Кабар/. Баткенде Тажикстандын аймагына өтүп кеткен 10 баш кой кайтарылды. Бул тууралуу Баткен облустук милициясынан билдиришти.
Маалыматка ылайык, бүгүн, 3-октябрда Баткен районунун Дөбө айылынын 53 жаштагы тургунунун 10 баш кою коңшулаш Таджикстандын Согди облусунун Исфара районунун Лаккан айылына өтүп кеткен.
Бул кабарды уккан Кара-Бак айылдык милиция бөлүмчөсүнүн кызматкерлери тажик кесиптештери менен өз ара сүйлөшүп, ушул эле күнү чек арадан өтүп кеткен 10 баш кой кайра Кыргызстанга өз ээсине кайтарылды.
Пикир
Оставить комментарий