Бишкек, 16.06.22. /Кабар/. Баткен облусунун тургундарына 25 жылга чейин жылдык 4 % менен ипотекалык насыя берилет. Бул тууралуу «Мамлекеттик ипотекалык компания» ААК башкармалыгынын төрайымы Аида Төлөгөнова билдирди.
Анын айтымында, учурда министрлер кабинетинин токтомунун долбоору даярдалып, ага ылайык Баткен облусунун чек арага жакын аймактарында турак жайларды курууну каржылоого Мамлекеттик ипотекалык компанияга 200 млн сом бөлүнөт.
Ал белгилегендей, бүгүнкү күндө курулуш үчүн төрт жер аныкталган:
- Аксай айыл өкмөтүндөгү Бакай жана Керме Тоо участкаларында;
- Кулунду айыл өкмөтүндөгү Раззаков жана Кулунду айылдарында.
«Ипотекалык насыялар кийинки сатуу алып менен ижарага алуу механизми боюнча берилет», - деди ал.
Пикир
Оставить комментарий