Бишкек, 16.05.23. /Кабар/. Базар-Коргондо дайынсыз жоголгон өспүрүмдү издөө иштери жанданды.
Өзгөчө кырдаалдар министрлигинен билдиришкендей, Базар-Коргон районунун Кызыл-Үңкүр айыл аймагынын 14 жаштагы М.Ф. аттуу тургунун издөө иштери бүгүн, 16-майда кайрадан башталды.
"Дайынсыз болгон мектеп окуучусунун жакындары кайрадан издөө иштерин жандантып, Кара-Үңкүр дарыясынын жээгин карап берүүсүн суранып райондук өзгөчө кырдаалдар бөлүмүнө кайрылышкан. Жерине Базар-Коргон райондук өзгөчө кырдаалдар бөлүмүнөн 5 куткаруучу тартылып, издөө жумуштарын алып барууда", - деп айтылат маалыматта.
Белгилей кетсек, М.Ф. 31-марттан тарта дайынсыз болуп, райондук өзгөчө кырдаалдар бөлүмүнүн куткаруучулары 14-апрелге чейин издешкен.
Натыйжа болбогондуктан, туугандарынын өтүнүчү менен издөө убактылуу токтотулган.
Пикир
Оставить комментарий