Бишкек, 08.05.19. /Кабар/. Бажы кызматкерлери ири көлөмдөгү чылым аткезчилигин аныкташты. Бул тууралуу Мамлекеттик бажы кызматынын басма сөз кызматы билдирет.
Маалыматка ылайык, 5-майда ыкчам бажы кызматкерлери Баткен облусунда Э.А., аттуу кыргыз жараны башкарып бара жаткан Nissan X-trail үлгүсүндөгү унаасын токтотуп, текшерүүгө алышкан.
Унаанын ичинен бажыга тийиштүү эч кандай документтери жана акциздик маркасы жок төмөнкү чылымдар табылган.
- “Milano Paris” 3000 даана;
- “Milano New York” 162 000 даана;
- “Milano London” 87 000 даан.
Кармалган товардын жалпы суммасы 630 миң сомду түзгөн.
Аталган факты Кылмыштар жана жоруктардын бирдиктүү реестрине каттоого алынган.
Пикир
Оставить комментарий