Бажы кызматкерлери мыйзамсыз ташылып келе жаткан товарларды кармады

Бишкек, 24.06.20. /Кабар/. Бажы кызматкерлери мыйзамсыз ташылып келген товарларды кармады. Бул тууралуу Мамлекеттик бажы кызматынан билдиришти.

Маалыматка ылайык, “Баткен” бажысынын кызматкерлери Баткен областында К.Ж.А. аттуу кыргыз жаранынын башкаруусундагы “Volvo” үлгүсүндөгү унааны токтотушкан.

Унааны текшерген учурда чектеш мамлекеттен мыйзамсыз ташылып келе жаткан жалпы салмагы 22993,5 кг кургатылган жемиштер табылган.

Кармалган товардын орточо базар баасы 983372 сомду түзөт.

Бул факты Кылмыштардын жана жоруктардын бирдиктүү реестрине катталып, материалдар тергөөгө караштуулугу боюнча өткөрүлүп берилди.