Бишкек, 12.04.21. /Кабар/. Кыргызстандын Билим берүү жана илим министрлигинин 2021-2023-жылдарга планынын алкагында Кыргызстанда “Мектеп – менин жашыл үйүм” акциясы ишке берилген. Бул тууралуу Билим берүү жана илим министрлигинин стратегиялык өнүктүрүү программасынын бет ачарында ведомствонун башчысы Алмазбек Бейшеналиев билдирди.
Анын айтымында, акция “Үмүт-Булагы” кайрымдуулук фонду менен биргеликте ишке берилди, ал Кыргызстандын канайымы Айгүл Жапаровага таандык.
“Акция мектеп чөйрөсүн жакшыртуу жана оптимизациялоого багытталган, мектептерде таштандыларды ылгоону жана билим берүү мекемелеринин айлана-тегерегин жашылдантууну баштоо пландалууда”, - деди ал.
Ошондой эле министр анын жыйынтыгында алдыңкы орундарды ээлеген окуучулар үчүн чет өлкөлөргө жөнөтүү каралат деп белгиледи.
Мындан тышкары, министрликтин 2021-2023-жылдарга планынын алкагында 2021-жылы “Билим берүүгө өз салымыңды кош” кайрымдуулук акциясы ишке киргизилет.
Акциянын максаты жаңы окуу жылына чейин Кыргызстандын бардык мамлекеттик мектептери үчүн 10 миң компьютердик техника топтоо болуп саналат.
Муну менен катар 2023-жылы табигый так илимдерди үйрөнүү үчүн лаборатория куруу боюнча акция пландалууда.
Пикир
Оставить комментарий