Бишкек, 18.10.24. /Кабар/. Түндүк-Түштүк альтернативдик унаа жолунун 243-296-чакырымдар аралыгындагы Арал – Казарман тилкесинде тазалоо иштери уланууда.
Транспорт жана коммуникациялар министрлигинин маалымат кызматынан билдиргендей, учурда бир тараптуу каттам бар.
Жеринде аймакты караган № 18 Жол тейлөө ишканасынын кызматкерлери жана атайын техникалар иштеп жатышат.
Белгилей кетсек, 16-октябрь күнү нөшөрлөп жааган жамгырдан улам тоо бетинен таштар кулап, каттам убактылуу жабылган. Таш көчкүнүн көлөмү болжол менен 3000 м3 түзүп, тазалоо иштери дароо башталган.
Ошондой эле №24 Жол тейлөө ишканасы тарабынан аталган жолдун 222-243-чакырымдар аралыгында жол тасмасына түшкөн таштарды тазалоо иштери жүрүүдө.
Пикир
Оставить комментарий