Бишкек, 12-июнь /Кабар/. Бишкек – Кара-Балта унаа жолун кеңейтүү максатында дарактарды кыю иш чарасы башталды. Бул туурасында Транспорт жана жолдор министрлигинен кабарлашты.
Маалым болгондой, Москва районундагы 46-чакырымда 20 сөнгөк жулунду. Жолду чоңойтуу үчүн жалпысынан 3 миң дарак кыйылат. Аталган министрликтен кабарлашкандай кыйылган бак-дарактардын ордуна 4,3 миң көчөт отургузулат.
Дарактарды кыюу иштери Бишкек-Ош унаа жолунун бир бөлүгүн калыбына келтирүү долбоорунун негизинде аткарылууда.
Мындан тышкары, жол жээктеги 200 обьектини түрттүрүү каралган. Алардын ээлерине компенсация катары 2,2 миллион доллар төлөнөт.
Бишкек – Кара-Балта жолу “ЦАРЭС 3 транспорттук коридорду жакшыртуу » долбоорунун негизинде жаңыланууда.
Долбоор 100 млн АКШ долларын бөлгөн “Азия банкы” тарабынан каржыланууда. Анын 65 млн доллары – насыяга, 35 млн доллары грант түрүндө берилген. Ошондой эле, мамлекет тарабынан 28 млн доллар кошо каржыланууда.
Пикир
Оставить комментарий