Бишкек, 25.03.21. /Кабар/. Кыргыз Республикасынын Маданият, маалымат, спорт жана жаштар саясаты министрлиги “27-март — эл аралык театр күнүн” белгилейт.
Аталган министрликтин басма сөз кызматынан кабарлашкандай, майрамдык салтанат Бишкек жана Ош шаарларында өтмөкчү.
Бишкек шаарында иш-чара 27-мартта саат 11:00дө Абдылас Малдыбаев атындагы Кыргыз Улуттук академиялык опера жана балет театрында башталат. Иш-чарага бардык аймактардан театр жана оюн-зоок мекемелеринин чыгармачылык жамааттары чакырылды.
Ал эми Ош шаарындагы салтанат 29-мартта саат 14:00дө С. Ибраимов атындагы Ош Улуттук кыргыз драма театрында белгиленет.
"Буга чейин эл аралык театр күнүнө арналган иш-чаралар Бишкекте гана өтүп келсе, эми мындан ары аймактарда кезеги менен өткөрүлүп турмакчы.
Иш-чара санитардык-эпидемиологиялык талаптарды эске алуу менен өтөт.
Пикир
Оставить комментарий