Бишкек, 25-март /Кабар/. Шаардык мэриянын имаратында Бишкек шаарынын мэри Албек Ибраимов шахмат боюнча дүйнөнүн 12-чемпиону, советтик жана россиялык шахматчы, эл аралык гроссмейстер, СССРдин эмгек сиңирген спорт чебери Анатолий Карпов менен жолугушту. Бул тууралуу борбор калаанын мэриясынын басма сөз кызматы билдирди.
Анатолий Карпов Бишкекке 25-мартта КР шахмат Федерациясынын чакыруусу менен Президенттин Кубогунун салттуу турниринин жеңүүчүлөрүн сыйлоо салтанатына ардактуу мейман катары катышууга келди. Сапардын максаты – КРда шахматты өнүктүрүү жана жайылтуу.
Ошондой эле, жолугушууга Бишкек шаардык кеңешинин депутаты Алмаз Кененбаев, КР шахмат Федерациясынын президенти Милан Турпанов жана федерациянын өкүлдөрү катышышты.
Пикир
Оставить комментарий