Бишкек мэриясы ишембиликке чыкпаган уюмдардын тизмесин жарыялады

Бишкек, 04.05.23. /Кабар/. Бишкекте көрктөндүрүү, жашылдандыруу жана санитардык тазалоонун бир айлыгы аяктады.

Бишкек шаарынын мэриясы ишембиликтерге активдүү катышканы үчүн шаардыктарга ыраазычылык билдирет.

"Бирок, кээ бир уюмдар ишембиликке бекитилген участокторго чыккан эмес", - деп белгилешти муниципалитеттен.

Тартип бузган 38 мекемеге түшүндүрүү иштери жүргүзүлүп, чарба жүргүзүүчү субъектилердин айланасында тазалык жана тартип сакталбагандыгы үчүн протоколдор түзүлдү. Аларга 3 миң сомдон 13 миң сомго чейин айып салынат.

Мекемелердин тизмеси:

• "Түндүк" темир жол бажысы;
• Улуттук илимдер академиясы;
• Мамлекеттик салык кызматынын Ленин району боюнча башкармалыгы;
• Бишкек шаарынын Эркин экономикалык аймагы;
• Ж.Баласагын атындагы Кыргыз улуттук университетинин юридикалык факультети;
• А.Токтоналиев атындагы Бишкек финансы-экономикалык техникуму;
• № 100 кесиптик лицей;
• № 2 клиникалык шаардык төрөт үйү;
• Клиникалык тез жардам ооруканасы;
• “Октябрь” кинотеатры;
• "Бишкек троллейбус башкармалыгы" муниципалдык ишкана;
• “Берекет Универсал” базары;
• “Уста” базары;
• “Баткен комфорт” базары;
• “Жумушчу” базары;
• “Пишпек” базары;
• “Элиткурулуш” базары;
• “Дордой-Моторс” базары;
• “Ош базары” Соода базар комплекси;
• “Берекет Гранд” Соода борбору;
• “Берекет” ЖАК;
• "Бишкек ун комбинаты" ААК;
• “Толубай” коммерциялык банк ЖАК;
• Улуттук телерадиоберүү корпорациясы;
• Финансы министрлигинин Бишкек шаардык финансы башкармалыгы;
• Билим берүү жана илим министрлиги;
• Дин иштери боюнча мамлекеттик комиссиясы;
• "Кыргызстан элдеринин ассамблеясы" коомдук бирикмелердин ассоциациясы;
• "Улуттук энергетикалык холдинг компаниясы" ААК;
• Бишкек шаардык телефон станциясы;
• Бишкек шаардык мамлекеттик архиви;
• Өзгөчө кырдаалдар министрлигинин "161" куткаруу кызматы;
• "Кыргызстан Халык Банкы" ААК;
• Финансы министрлигинин алдындагы Баалуу металлдар департаменти;
• “Кыргызжолтрансдолбоор” мамлекеттик ишканасынын Долбоорлоо изилдөө институту;
• Инновациялык технологиялык эл аралык университети;
• Эл аралык медицина университетинин Чыгыш кампус илимий өндүрүш комплекси;
• Эл аралык медицина университети.