Бишкек,01.04.21. /Кабар/. Бишкекте өткөн суткада COVID-19дун 97 жаңы учуру катталды, анын ичинен 71 учур коронавирус жана 26 учур – пневмония. Бул тууралуу Бишкек мэриясынын шаардык саламаттыкты сактоо башкармалыгынын башчысы Бактыгүл Исмаилова билдирди.
Анын маалыматы боюнча, жалпысынын жыл башынан бери борбордо 3 миң 355 жаңы учур катталды. Ошондой эле жыл башынан бери 3 миң 920 байланышта болгон адам үй карантинине алынып, анын ичинен 3 миң 94 адам карантин мөөнөтү бүткөнүнө байланыштуу алынды.
Бүгүнкү күндө дарыгердин көзөмөлүндө жалпы 1 миң 239 адам турат, анын ичинен 370 адамдын коронавирус анализи оң чыккан.
Үй карантининдеги жарандарды көзөмөлдөө үчүн 11 мобилдик топ иштеп жатат.
2021-жылы 1-январдан тарта мобилдик топ 10 миң 230 чыгуу жасаган, ПЧРдин оң анализи менен 147 үй жана ооруканадан тышкаркы пневмония менен 15 үй аныкталган. 9 миң 236 ПЧР анализ алынган.
Ошондой эле 118 өзүн-өзү диагностикалоо боюнча ишеним телефонуна 8 миң 321 чалуу түшкөн.
Мындан тышкары, борбордо COVID-19 менен ооругандарды 3 стационар кабыл алууда, анда 435 орундук дайындалган.
“Азыркы учурда стационарларда 264 адам жатат”, - дейт ал.
Эскерте кетсек, Кыргызстанда бүгүн COVID-19дун 164 жаңы учуру катталган, 88 адам айыгып чыкса, 1 адам каза болду.
Пикир
Оставить комментарий