Бишкек, 24.10.24. /Кабар/. Бишкек – Ош унаа жолуна жаңы көпүрө куруу пландалууда. Бул тууралуу Транспорт жана коммуникациялар министрлигинен билдиришти.
Маалыматка караганда, бүгүн министрдин орун басары Бекназар Базаралиев менен Япониянын эл аралык кызматташуу агенттигинин өкүлдөрү (JICA) Бишкек – Ош унаа жолунун 315-чакырымына жаңы көпүрө куруу боюнча алгачкы сүйлөшүүлөрдү жүргүзүштү.
Жолугушууда тараптар долбоорду ишке ашыруу үчүн милдеттенмелерин белгилешти.
Кошумча көпүрө куруу Бишкек – Ош унаа жолу аркылуу жүк жана жүргүнчүлөрдү үзгүлтүксүз ташуу жана коопсуздугун камсыз кылууга мүмкүндүк бере тургандыгы кошумчаланды.
Долбоор гранттык негизде ишке ашырылат деп болжолдонууда.
Белгиленгендей, көпүрө куруу учурунда экологиялык жана социалдык маселелерге тийиштүү көңүл бурулат.
Пикир
Оставить комментарий