Бишкек, 14.03.18. /Кабар/. Бишкек-Ош унаа жолуна түшкөн кар көчкүнүн кесепетинен “Сосновка” постунда 5 жеңил жана 50 оор жүк ташуучу унаа кезекте турат. Андан тышкары “Арал” постунда 35 жеңил жана 60 оор жүк ташуучу унаа кезек күтүп турат,-деп билдирет ӨКМнин басма сөз кызматы.
Маалыматка ылайык, айдоочуларга жана жүргүнчүлөрүнө ысык тамак жана чай берүүчү пункту уюштурулуп, тез жардам кызматынан бир унаа нөөмөттө турат.
“Арал” постуна да 2 чатыр тигилип, жүргүнчүлөргө ысык чай берилүүдө.
Эске сала кетсек, кечээ, 13-мартта кечки саат 22:40 чамасында Бишкек-Ош унаа жолунун 246-чакырымында (Чычкан капчыгайы) кар көчкү түшүп, унаа жол толугу менен жабылган.
Учурда жеринде куткаруучулар жана атайын техникалар иштеп жатат.
Пикир
Оставить комментарий