Бишкек жана Ош шаарларында 11-14-февралда Иран тасмалары көрсөтүлөт

Бишкек, 07.02.20. /Кабар/. Кыргызстанда февраль айынын ортосунда Иран кино күндөрү болуп өтөт. Бул тууралуу Кинематографияны өнүктүрүү фондунан билдиришти.

Кино күндөрүнүн алкагында Иран тасмалары Бишкекте 11-12-февраль күндөрү жана Ош шаарында 14-февралда көрсөтүлөт.

Бишкекте 11-февралда "Алтын жана бал" (реж. Х.Асадиан, 2011) жана 12-февралда "Жөн эле" (реж. Р.Миркарими, 2008), "Нарцисстер мезгили" (реж. Н. Азербайджани, 2017) тасмаларын көрүүгө болот. Тасмалар Алыкул Осмонов атындагы китепканада көрсөтүлөт.

Ал эми 14-февраль күнү бул тасмалар Ош шаарынын тургундарынын назарына коюлат.

Кирүү акысыз.