"Бишкексууканал" скважиналарды тазалоо үчүн заманбап компрессор сатып алды

Бишкек, 27.12.23. /Кабар/. “Бишкексууканал” өндүрүштүк-эксплуатациялык башкармалыгы скважиналарды тазалоо процессин жакшыртуу үчүн заманбап компрессор сатып алды. Бул тууралуу муниципалитеттин басма сөз кызматынан билдиришти.

Заманбап компрессорлорду колдонуу Орто-Алыш суу алгычындагы суу кудуктарын тазалоо процессин жакшыртат.

Жаңы жабдуулар натыйжалуу жана кылдат тазалоону камсыздап, шаар тургундары үчүн суунун сапатын жакшыртат.

Профилактикалык жол-жоболор артезиан кудуктарын жыл сайын жууп жана көлдөрдү ылайдан тазалоону камсыздайт. Бул иш-чаралар суунун сапатынын стандарттарын сактап, ошондой эле жарандарды үзгүлтүксүз суу менен камсыз кылат.

«Бишкексууканал» өндүрүштүк-эксплуатациялык ишканасы сууну Орто-Алыш жана Ала-Арча жер астындагы суу кендеринин 37 артезиандык скважиналарынан алат. Күн сайын 4000 метр куб суу көтөрүлөт. Орто-Алыш суу алгычы негизги ролду ойноп, Бишкек шаарынын тургундарынын 40%ын суу менен камсыз кылууда.

Бул алдын алуу иш-чаралары суу менен камсыздоонун коопсуздугун жана ишенимдүүлүгүн камсыз кылуу боюнча «Бишкексууканал» ӨЭБнын милдеттүү планынын бир бөлүгү болуп саналат.