Бишкекте 150 балага жайкы лагерь уюштурулду

Бишкек, 16.07.24. /Кабар/. Бишкектин Ленин акимиаты "Со Юнг Ю" фонду менен бирдикте 150 балага жайкы лагерь уюштурду.

Муниципалитеттен билдиришкендей, лагерь 9-13-июль аралыгында №96 орто мектептин базасында уюштурулган.

Лагерге барганда балдар өздүк гигиена эрежелерин, туура биринчи жардам көрсөтүүнү, коомдук жайларда өзүн алып жүрүүнү, тазалыкты үйрөнүштү.

Иш-чаранын жабылышында ата-энелер жана алардын балдары мастер-класстарга катышты.

Өз кезегинде муниципалдык администрация балдар үчүн бул майрамды уюштурганына ыраазычылык билдирип, фондго ыраазычылык кат тапшырды.