Бишкек, 09.01.25. /Кабар/. Бишкекте 3 акча алмаштыруучу жайдын лицензиясы токтотулду. Бул тууралуу Улуттук банктан билдиришти.
Маалыматка ылайык, КР мыйзамдарынын жана Улуттук банктын ченемдик укуктук актыларынын талаптарын бузууга жол бергендиги үчүн 2025-жылдын 9-январынан тартып 23-январын кошо алгандагы мезгил аралыгына төмөнкү алмашуу бюролорунун лицензияларынын аракети токтотулду:
- Бишкек шаары, Абдрахманов көчөсү, 150, 1-бөлүк (үлүш) дареги боюнча жайгашкан "Союз лтд" алмашуу бюросу ЖЧКнын 2024-жылдын 27-январындагы №6698 лицензиясы;
- Бишкек шаары, Москва көчөсү, 86, №2 кеңсе дареги боюнча жайгашкан "Стимул Аскат" алмашуу бюросу ЖЧКнын 2024-жылдын 16-апрелиндеги № 6781 лицензиясы;
- Бишкек шаары, Абдрахманов көчөсү, 182 дареги боюнча жайгашкан "Ават финанс" алмашуу бюросу ЖЧКнын 2023-жылдын 17-ноябрындагы №6637 лицензиясы.
Пикир
Оставить комментарий