Бишкек, 05.03.18 /Кабар/. 2018-жылдын 6-мартында Жогорку Кеңештеги жыйындар залында "Айылдык кеңештерде аялдар үчүн 30%дык квота" аттуу Кыргызстан аялдарынын улуттук форуму өтөт. Бул тууралуу ЖК басма сөз кызматы билдирди.
Иш-чарага республиканын бардык аймактарынан келген 100дөн ашуун жергиликтүү кеңештин аял депутаттары, Жогорку Кеңештин депутаттары жана Өкмөт менен бир катар коомдук-бейөкмөт уюмдардын өкүлдөрү катышат.
Форумдун катышуучулары бойго жетпеген өспүрүмдөр арасындагы никеге тыюу салуу маселесин жана айылдык кеңештерде аялдар үчүн бөлүнгөн квота көйгөйүнө тиешелүү мыйзам долбоорун талкуулашат.
Форум 6-мартта саат 09:00дө башталат. Ушул эле күнү саат 13:30да У.Салиеванын эстелигине гүлчамбарларды коюу иш-чарасы өтөт.
Пикир
Оставить комментарий