Бишкекте бир жуманын ичинде 67 мас айдоочу кармалды

Бишкек, 09.08.21. /Кабар/. 2021-жылдын 30-июлунан 5-августка чейин Бишкек шаарынын аймагында 4 миң 227 жол эрежелерин бузуу фактылары аныкталды.

Милициянын кайгуул кызматнан кабарлашкандай, алардын ичинен:

- мас абалында авто унаа башкаруу - 67;

- автоунаанын алдыңкы жана каптал терезелерин караңгылатып айдоо - 14;

- айдоочулук кубөлүгү жок авто унаа башкаруу - 89;

- автоээнбаштык - 1;

- жасалма номур менен авто унаа башкаруу - 2;

- башка жол эрежелерин бузуулар - 4 миң 54. Ал эми ар кандай эреже бузган 299 автоунаа убактылуу айып короо жайына токтотулду.