Бишкек, 17.04.23. /Кабар/. Бишкекте дем алыш күндөрү 100дөй адамдын катышуусунда веложүрүш өттү. Бул тууралуу мэриянын басма сөз кызматы билдирди.
Веложүрүш Алма-Ата көчөсү менен Түштүк магистралдын кесилишинен башталып, “Ынтымак - 2” сейил багына чейин уланды. Ошондой эле сейил бакта кичинекей балдар үчүн жарыш болду.
Иш-чаранын расмий бөлүгү “Ынтымак - 2” сейил багында өтүп, анда балдар үчүн чоң куурчактар, белектер жана ланч бокстор менен шоу-программа тартууланды. Соңунда эстрада жылдыздарынын катышуусунда концерттик программа уюштурулду.
Белгилей кетсек, Бүткүл дүйнөлүк гемофилия күнү жыл сайын 17-апрелде "Бүткүл дүйнөлүк саламаттыкты сактоо" уюмунун жана "Бүткүл дүйнөлүк гемофилия" федерациясынын демилгеси менен белгиленет.
Пикир
Оставить комментарий