Бишкек, 17-март /Кабар/. И.Карасаев атындагы Бишкек гуманитардык университетинде “ЕАЭБдин эвалюциясы жана интеграция жолдору: абалы, көйгөйлөр жана келечеги” аттуу жаштардын илимий-практикалык конференциясы өттү. Конференцияны “Евразиялыктар – жаңы толкун” фонду уюштурду.
Конференцияга эксперттер жана саясат таануучулар катышып, жаштар менен биримдиктин алкагында өлкөнүн өнүгүүсү боюнча өздөрүнүн ойлору менен бөлүштү.
Конференцияны уюштуруучулардын бири, саясат таануучу Денис Бердаковдун айтымында, ЕАЭБ өлкөлөрү жана Кыргызстан жаштар үчүн кызыктуу болгон байланыш каналдары, ошондой эле ыкмалар боюнча интеграциялык процесстердин маалыматтык-аналитикалык коштоосун түзүү тууралуу ойлонушубуз керек. “Бүгүн конференцияда эксперттер Ж.Акенеев, К.Рахимов жана И.Шестаковдор доклад окушту. Биримдиктин эвалюциясын талкуулоо жаш лидерлерге евразия интеграциясынын механизмдерине анын бардык катышуучуларынын көз карашында кароого жана экономикалык жана гуманитардык кызматташтыктын механизмдерин кандайча тездетүү жана жашыртуу керектигин түшүнүүгө жол ачат”,-деди ал.
Ошондой эле, иш-чаранын алкагында саясат таануучулар, экономисттер жана 6 ЖОЖдун студенттик делегациялары ЕАЭБ өлкөлөрүндөгү социалдык-экономикалык процесстерди, абалды, коркунучтарды жана аларды чечүүнүн жолдорун, тарыхты, жалпы иденттүүлүк фактору жана гуманитардык интеграциянын булагы катары тил жана адабиятты талкуулашты.
Пикир
Оставить комментарий