Бишкек, 18.05.23. /Кабар/. Бишкекте эки жаран "Хизб ут-Тахрир" экстремисттик уюмунун идеологиясынан баш тартты. Бул тууралуу Улуттук коопсуздук мамлекеттик комитетинен билдиришти.
Маалыматка ылайык, УКМК тарабынан диний-экстремисттик жана террористтик уюмдарды аныктоо жана бөгөт коюунун алкагында Кыргызстанда тыюу салынган жана салттуу эмес диний агымдардын жактоочулары Пробация департаменти менен бирдикте мүчөлүктөн чыгаруу боюнча иш-чаралар улантылууда.
Жүргүзүлгөн профилактикалык иш-чаралардын жыйынтыгында, диний-экстремисттик уюмге катышкандыгы үчүн сот органдары тарабынан мурда соттолгон жана пробация көзөмөлүндө турган Бишкек шаарынын тургундары К.Н.Т. жана К.Б. "Хизбут-Тахрир" диний-экстремисттик уюмунан баш тартышты.
Жогорудагы жарандар өздөрү тандап алган диний багытынын туура эместигин моюнга алып, жарандарды Кыргызстандын аймагында тыюу салынган ар кандай диний-экстремисттик уюмдардын мыйзамсыз чакырыктарына алдырбоого чакырышты.
УКМК тарабынан тыюу салынган диний-экстремисттик уюмдардын катарына жаңы тарапкерлердин тартылышын алдын алууга багытталган профилактикалык иш-чараларды жүргүзүү боюнча тынымсыз иштер улантылууда.
Пикир
Оставить комментарий