Бишкек, 04.09.24. /Кабар/. Экономика жана коммерция министрлигинде Кыргызстан менен Россиянын ишкер жана мамлекеттик чөйрөлөрүнүн өкүлдөрүнүн эл аралык бизнес-миссиясы өтүүдө.
Ведомстводон маалымдашкандай, иш-чараны министрдин биринчи орун басары Чоро Сейитов ачты.
Бул иш-чара эки өлкөнүн экономикалык кызматташтыгын талкуулоо үчүн негизги аянтча болуп саналат.
"Эл аралык бизнес-миссия тажрыйба алмашууга жана кыргызстандык жана орусиялык жаш ишкерлердин ортосунда жаңы байланыштарды түзүүгө мүмкүнчүлүк бере", — деп белгиледи Чоро Сейитов.
4-сентябрда болгон иш-чарада катышуучулар кызматташтыкты талкуулап, Кыргызстандын экономикалык мүмкүнчүлүктөрүн сунушташты жана В2В жолугушууларды өткөрүштү.
5-сентябрда иш-чаранын экинчи күнүндө өнөр жай объектилерине жана коворкинг-мейкиндиктерге баруу пландалган.
Бул иш-чара эки өлкөнүн ишкер чөйрөлөрүнүн ортосундагы байланыштарды бекемдейт жана биргелешкен долбоорлорду өнүктүрүүгө жаңы мүмкүнчүлүктөрдү ачат.
Пикир
Оставить комментарий