• 87.7
  • 95.05
  • 0.99

Бишкекте электромобилдерди кубаттоочу станциялар ачылды

Коом 0

Бишкек, 01.03.23. /Кабар/. Бишкекте электромобилдерди кубаттоочу станциялар ачылды. Бул тууралуу шаардык мэриядан билдиришти.

Маалыматка ылайык, Биринчи май районундагы Исанов көчөсү, 79 дарегинде жайгашкан "79" бизнес борборунун аймагына "Эвокс" ишканасы тарабынан эки электр кубаттоочу жай орнотулду.

Мэриядан белгилешкендей, экокодолбоор Биринчи май районунун акимчилиги менен бизнес-борбордун администрациясынын ортосундагы тыгыз кызматташтыктын аркасында ишке ашырылды.

Мындан ары мындай станциялардын санын көбөйтүү пландаштырылууда.

Биринчи май акимчилиги экологиялык кырдаалдын шарттарын жакшыртуу жана шаарды өнүктүрүү үчүн бизнес өкүлдөрүн биргелешкен долбоорлорду ишке ашырууга жана кызматташууга чакырат.

Толук маалыматты төмөнкү дарек боюнча алууга болот: Бишкек шаары, Жибек Жолу көчөсү, 348, Биринчи май районунун муниципалдык администрациясынын имараты, маалымат үчүн телефон: +996 (312) 661 537.

Пикир

Оставить комментарий