Бишкек, 21.06.22. /Кабар/. Бишкекте Expo Eurasia – 2022 жана Бишкек бизнес-форумунун алкагында Expo-Russia Kyrgyzstan 2022 өнөр жай көргөзмөсү өтүүдө.
Өнөр жай көргөзмөсү 21-23-июнь күндөрү Бишкектеги “Аю Гранд” соода борборунда кадимки режимде, ал эми www.ExpoRF.ru жана www.ExpoEurasia.org порталдарында онлайн режимде өтүүдө.
Көргөзмөнү Россиянын "Зарубежэкспо" акционердик коому жана Кыргызстандын Соода-өнөр жай палатасы биргеликте уюштурду.
Көргөзмөгө Кыргызстандан 100гө жакын компания, мындан тышкары Россия менен Ирандан келген компаниялар да катышууда.
Көргөзмө өлкөлөр ортосундагы соода-экономикалык кызматташтыкка көмөк көрсөтүү жана өнүктүрүү максатында уюштурулду.
Пикир
Оставить комментарий