Бишкек, 05.11.18. /Кабар/. Бишкекте эртең Fashion Show мода көрсөтүүсү өтүп, ага “Кыргызстан сулуусу – 2018” сулуулук сынагынын катышуучулары модель катары катышат. Бул тууралуу уюштуруучулар билдиришти.
Иш-чара эртең саат 18:00дө Asia Mall оюн-зоок борборунда өтөт.
Сулуулар өлкөнүн жаш жана белгилүү дизайнерлеринин этно, заманбап жана кечки көйнөктөрү менен подиумдан басышат.
Ал эми сулуулук сынагы өзү Бишкекте 14-ноябрда өтөт.
Быйылкы “Кыргызстан сулуусу” биринчи жолу “Miss World” эл аралык сынагынын өкүлдөрүнүн жана Маданият, маалымат жана туризм министрлигинин колдоосу астында уюштурулууда.
Пикир
Оставить комментарий