• 87.96
  • 95.21
  • 0.97

Бишкекте II Элдик курултай аяктап, резолюция кабыл алынды

Курултай 0

Бишкек, 16.12.23. /Кабар/. Бишкектеги Токтогул Сатылганов атындагы улуттук филармонияда эки күнгө созулган экинчи Элдик курултай аяктады.

Курултайга Кыргызстандын президенти Садыр Жапаров, Жогорку Кеңештин төрагасы Нурланбек Шакиев, министрлер кабинетинин төрагасы Акылбек Жапаров, министрлер кабинетинин мүчөлөрү, мамлекеттик жана муниципалдык кызматкерлер, аймактардан шайланып келген 700гө жакын делегат катышты.

Иш-чаранын алгачкы күнү өлкөнүн акыркы жылдардагы социалдык-экономикалык өнүгүүсүнүн негизги жыйынтыктары тууралуу тасманы көрсөтүү менен башталды.

Андан соң мамлекет башчысы өлкөдөгү абал тууралуу кайрылуу жасап, биринчи Элдик курултайдын жыйынтыгы боюнча кабыл алынган чечимдерди ишке ашыруу боюнча аткарылган иштер, реформалардын жүрүшү тууралуу айтып берип, ошондой эле улуттук баалуулуктарды сактоо, уюштуруу жана өнүктүрүү максатында көрүлүп жаткан чараларды белгиледи.

Курултайдын экинчи күнүндө делегаттар кайрадан жарыш сөзгө чыгып, түштөн кийин алардын суроолоруна мамлекет башчысы өз жооп берди.

Элдик курултайдын жыйынтыгында резолюция кабыл алынды.

Пикир

Оставить комментарий