Бишкек, 30.03.23. /Кабар/. Бишкекте ишкерлер менен бизнес жолугушуу өтөт.
Муниципалитеттен билдиришкендей, жыйын 5-апрелде саат 10:00дө Ленин районунун акимчилигинде уюштурулат.
Жыйын жеңилдетилген насыялоо, чарба жүргүзүүчү субъекттерге кепилдик берүү жана башка маселелер менен таанышууга арналат.
Иш-чарага Орус-Кыргыз өнүктүрүү фондунун жана Кепилдик фондунун өкүлдөрү катышат.
Белгилей кетсек, иш-чараны Бишкек шаарын өнүктүрүү жана инвестицияларды тартуу агенттиги Бишкек мэриясынын райондук муниципалдык администрациялары менен биргеликте уюштурууда.
Пикир
Оставить комментарий