Бишкек, 31.08.23. /Кабар/. Бүгүн Бишкек шаарында Кытайдан келген газ кыймылдаткычтуу жаңы автобустар линияга чыкты. Бул тууралуу мэриядан билдиришти.
Маалыматка ылайык, 31-август өлкөнүн Эгемендүүлүк күнү жана 1-сентябрь Билим күнүндө жаңы Jong Tong автобустары менен жүрүү акысыз болот.
Жаңы линиялар менен жүргөн No 15, № 51, № 52 автобустарга бекер жүрүүгө болот. Ошондой эле №100, №105, №152, №195, №32 каттамдары жаңы автобустук каттамдарга алмаштырылды.
Эске салсак, майрамдык концерт Ала-Тоонун аянтында өтүп, ал түн ортосуна жакын аяктайт.
Буга байланыштуу борбор калаанын жарандарынын жана конокторунун ыңгайлуулугу үчүн коомдук транспорттун иштөөсү саат 01:00гө чейин узартылды.
Ошондой эле майрамдык иш-чаралар өтүүчү жайларда жол убактылуу жабылгандыктан, айрым каттамдардын кыймылы жарым-жартылай өзгөрөт.
Шаар тургундары иш-чарадан кийин үйлөрүнө оңой жете алышат.
2023-жылдын 1-сентябрынан тарта бардык шаардык коомдук транспорт кадимки режимде иштейт.
Пикир
Оставить комментарий