Бишкек, 03.05.21. /Кабар/. Бишкекте милиция кызматкерлери жоголуп кеткен 4 жашар баланы таап, үйүнө жеткиришти. Бул тууралуу Милициянын кайгуул кызматынан билдиришти.
Кечээ, 2-майда болжол менен саат 17:20 чамасында Бишкек ШИИББнин “102” кызматына Ахунбаев жана 7-апрель көчөлөрүнүн кесилишинде кичинекей бала жоголду деген маалымат келип түшкөн.
Айтылган дарекке ошол замат Бишкек ШИИББи боюнча милициянын кайгуул кызматкерлери келип, маалыматты тактаганда 4 жашар Ж.А. аттуу бала жоголгондугу аныкталган.
Милициянын кайгуул кызматкерлери ыкчам издөө иш-чараларын жүргүзүп, аз убакыттын ичинде баланы таап, апасына сак-саламат жеткирип беришкен.
Уулунун табылганына сүйүнгөн баланын апасы милициянын кайгуул кызматынын ыкчам аракетине рахматын айтып, ыраазычылыгын билдирген.
Пикир
Оставить комментарий