Бишкекте муниципалдык транспортто жол кирени мобилдик тиркемелер аркылуу төлөөгө болот

Бишкек, 18.08.23. /Кабар/. Бишкекте муниципалдык транспортто жол кире акысын «Mbank», «MegaPay», «Balance» мобилдик тиркемелери аркылуу төлөөгө болот.

Муниципалитеттен белгилешкендей, жол кирени төлөө үчүн төмөнкү кадамдарды жасоо шарт:
- арызды киргизүү;
- "QR сканери" бөлүмүнө кирүү;
- транспортто жайгашкан QR кодун сканерлөө;
- төлөө;

Эске салсак, QR-сканеринг аркылуу төлөө «Тулпар» долбоорунун алкагында шаардын бардык муниципалдык транспортунда ишке киргизилген.

Жүргүнчүлөрдүн ыңгайлуулугу үчүн QR коду бар стикерлер салондо жана автобустардын жана троллейбустардын сыртында жайгашкан.

Белгилей кетсек, буга чейин шаардык мэрия 20-августтан тарта Бишкекте автобус жана троллейбустарда накталай акча кабыл алынбай тургандыгын билдирген.