Бишкек, 18.01.23. /Кабар/. Бүгүн, 18-январда Бишкекте “Мыкты баяндамачы – 2022” республикалык сынагынын жеңүүчүлөрүнө сыйлыктар тапшырылды. Бул тууралуу Билим берүү жана илим министрлигинен билдиришти.
Баяндамачылар арасында өткөн сынактын жеңүүчүлөрү:
I орун (ноутбук) – Перизат Даткаева, Бишкектеги А.С.Пушкин атындагы №17 мектеп-гимназия окуу-тарбия комплексинин кыргыз тили жана адабияты мугалими;
II орун (ноутбук) – Толкун Бегалиева, Оштогу К.Султанов атындагы №11 орто мектебинин кыргыз тили жана адабияты мугалими;
III орун (уюлдук телефон) – Фарида Айдарбекова, Бишкектеги №81 жалпы билим берүү орто мектебинин кыргыз тили жана адабияты мугалими.
Сынактын максаты – кыргыз тили жана адабияты мугалимдеринин жазуу жана сүйлөө чеберчилигин арттыруу, мыкты баяндамачылардын базасын түзүү болуп саналат.
Эскерте кетсек, Билим берүү жана илим министрлиги 2022-жылдын 9-декабрында “Кыргызстандын мамлекеттик тили жөнүндө" мыйзамынын кабыл алынгандыгынын 33 жылдыгына карата сынак жарыялаган.
Пикир
Оставить комментарий