Бишкнк, 30.05.21. /Кабар/. 2021-жылдын 26-28-май күндөрү Бишкек шаарында окуу-методикалык комплекстерди гендердик дискриминацияга каршы экспертизалоонун методологиясы боюнча семинар-тренинг өткөрүлдү. Бул тууралуу Билим берүү жана илим министрлигинин басма сөз кызматы билдирет.
Маалыматка ылайык, иш-чараны Билим берүү жана илим министрлигине караштуу «Окуу китеби» республикалык илимий-практикалык борбору окуу китептеринин авторлору, ошондой эле болочок авторлор үчүн уюштурду.
Семинардын катышуучулары:
- окуу-методикалык комплекстерди гендердик дискриминацияга каршы экспертизалоонун концептуалдык негиздери жана методологиясы менен таанышышты;
- окуу-методикалык комплекстерди түзүүдө адам укуктары, гендердик, социалдык инклюзия, басмырлоого жол бербөө маселелерин эске алуунун зарылчылыгы жана маанилүүлүгү жөнүндөгү түшүнүктөрүн жогорулатышты;
- гендердик дискриминацияга каршы экспертизалоо инструменттерин иш жүзүндө өздөштүрүштү.
Тренингде машыктыруучулук-окутуучулук милдетти Чынаргүл Давлетова, Зульфия Көчөрбаева, Нора Сюналиева, Бактыгүл Исланбековалар аркалашты.
Иш-чараны өткөрүүгө Европа биримдиги, «Социалдык технологиялар агенттиги» коомдук бирикмеси (Кыргызстан), «Данило Дольчи» креативдүү борбору (Италия), Бириккен Улуттар Уюму ишке ашырып жаткан «Спотлайт» демилгеси, ЮНИСЕФ көмөктөшүп, финансылык колдоо көрсөттү.
Пикир
Оставить комментарий