Бишкекте салыктар боюнча “Бизнес-билим кербени” өтөт

Бишкек, 20.03.24. /Кабар/. Бишкекте салыктар боюнча “Бизнес-билим кербени” өтөт. Бул тууралуу Экономика жана коммерция министрлигинен кабарлашты.

Маалыматтык жолугушуу 29-мартта "Новотел" отелинде болот.

Иш-чаранын темалары:

• Салык кодексине киргизилген жаңы өзгөртүүлөр;
• чакан жана орто бизнес үчүн салык режимдери;
• кассалык машинаны колдонуу эрежелери;
• электрондук кампаны жана ЭТТНны колдонуу эрежелери;
• электрондук эсеп-фактураны (ЭЭФ) берүү тартиби;
• ЭСФти каттоонун тартиби жана жол-жобосу;
• салыктар жана камсыздандыруу төгүмдөрү боюнча электрондук отчетторду өз алдынча берүү;
• мамлекеттик контролдоочу органдар тарабынан ишкердикти текшерүүгө мораторий жана жеке адамдардын мүлкүн ыктыярдуу легалдаштыруу жана мунапыс берүү.

Белгилей кетсек, буга чейин аталган иш-чара республиканын бардык аймактарында өткөрүлгөн.

Аны Экономика жана коммерция министрлиги JIA Бизнес Ассоциациясы жана КР Финансы министрлигине караштуу Мамлекеттик салык кызматы менен биргеликте уюштурган.