Бишкекте өтүп жаткан бокс боюнча эл аралык мелдештин байге фонду 40 миң долларды түзөт

Бишкек, 24.03.23. /Кабар/. Бишкекте Советтер Союзунун Баатыры Дүйшөнкул Шопоковдун элесине арналган бокс боюнча эл аралык мелдеш өтүп жатат. Бул тууралуу Дене тарбия жана спорт департаментинен билдиришти.

Каба уулу Кожомкул атындагы спорт сарайында өтүп жаткан чемпионат 21-март күнү старт алган, ал эми финалдык беттештер 25-март күнү өтөт.

Мелдеште алты өлкөнүн: Беларусь, Түштүк Корея, Монголия, Өзбекстан, Казакстан жана Кыргызстандын спортчулары күч сынашууда.

Байге фонду 40 миң АКШ долларын түзөт.

1-орун 1700 АКШ доллары;
2-орун 700 АКШ доллары;
3-орун 500 АКШ доллары ;
3-орун 500 АКШ доллары ;

Белгилей кетсек, байге фонду Эл аралык бокс федерациясынын президенти (IBA) Умар Кремлев тарабынан каржыланды.