Бишкек, 13.12.21. /Кабар/. Бишкекте "Тазалык" ишканасынын кызматкерин өлтүрө сүзгөн айдоочу камалды. Бул тууралуу "Кабар" агенттигине Бишкек шаардык милициясынын басма сөз кызматынан кабарлашты.
Маалыматка ылайык, аталган факты боюнча 312-беренеге ("Жол кыймылынын жана автотранспорт каражаттарын эксплуатациялоонун коопсуздук эрежелерин бузуу") ылайык кылмыш иши козголду.
Шектүү катары кармалган 1998-жылы туулган М.К. аттуу айдоочу Бишкек шаардык милициясынын убактылуу кармоочу жайына киргизилген.
Учурда иликтөө иштери уланууда.
Эске сала кетсек, 12-декабрда эртең менен Жибек-Жолу менен Осмонкул көчөлөрүнүн кесилишинде "Тазалык" МИнын кызматкерин унаа сүзүп кеткен. Кызматкер кырсык катталган жерден көз жумган.
Бишкек шаардык мэриясы компенсация төлөп, маркумдун үй-бүлөсүнө материалдык жардам көрсөтөт.
Пикир
Оставить комментарий