Бишкек, 28.11.23. /Кабар/. "Бишкекасфальтсервис" муниципалдык ишканасы курулуш иштеринин жүрүшүндө аныкталган тротуардагы кемчиликтерди жоюп жатат.
Муниципалитеттен билдиришкендей, ишкананын кызматкерлери Исанов, Тоголок Молдо, Логвиненко жана Абдрахманов көчөлөрүндөгү тротуарлардын курулуш иштерин карашты.
Ошондой эле Логвиненко көчөсүндө ирригациялык лотоктордун түтүктөрүн башы бетондоло башталды, Москва көчөсүндө ирригациялык түйүндөрдүн бириккен жерлери бетондолуп жатат, ошондой эле Бөкөнбаев көчөсүнө тротуардык бордюрлар орнотулууда.
Белгилей кетсек, курулуш иштеринин жүрүшүндө подряддык уюмдар аныктаган кемчиликтер жоюлмайынча "Бишкекасфальтсервис" муниципалдык ишканасынын балансына өтпөйт. Келишимди бузган подряддык ишканаларга карата катуу чаралар көрүлөт.
Пикир
Оставить комментарий